السيد الأستاذ / عبد الفتاح السيسي
تحية طيبة و بعد ؛
بغض النظر ان تحية ماتت في الثورة ؛ و بغض النظر ان ليا عتاب صغير على حضرتك قررت أرسلك التحية قبل ما اقولك أنا عاوز ايه ؛ من منطلق انك رئيس الدولة اللي انا بعيش فيها و من باب حتى انك أكبر مني سناً و ده يستدعي طبعا اني أرسلك التحية ... و أرجو انك تسامحني عن الألشة الأولانية دي ؛ مواطن و بيهزر بقى و كده .... أما بعد ؛
مش هطوّل على حضرتك نظراً لأن الكهربا كده كده هتقطع و مش هلحق أقولك كل اللي أنا عاوز أقوله ... المهم بقى ان دلوقتي الكهربا بتقطع و المية بتقطع والأسعار غليت و البنزين و السولار غلي و بالتالي المواصلات غليت و السجاير غليت ؛ و مش بس كده يا ريس ده الناس سايبة كل ده و بيدوروا على أساميهم على أزايز كوكاكولا ؛ بس كل ده مش مهم اطلاقاً .. انا كشاب مصري متحمل المسئولية و عارف انه من واجبي إني أقف جنب بلدي و هي بتقوم (هنعتبرها بتقوم) ؛ ده غير إني عايش وسط المصريين بقالي كتير و مبقتش أندهش خالص منهم الصراحة .
باختصار يا ريس كل حاجة في البلد غليت و أولهم السجاير ؛ ده غير إني عندي مشكلة مخلياني في غاية البؤس ؛ المشكلة هي ان التايم لاين على تويتر فضي خالص و كده و كل الناس اللي انا عاملهم فولو محبوسين (علاء و سناء و دومة و ماهر و ماهينور و غيرهم ) ؛ محبوسين بحجة خرق قانون التظاهر ؛ التظاهر اللي هو كان السبب اصلا في وصول حضرتك للحكم - ده بخلاف الناس اللي ماتوا اصلا ؛ و خلاص التايم لاين بقى خاوي على عروشه و مبقاش فاضل غير تامر موافي و سارة السباعي و الباقي كله في الجلاش ؛ يرضيك كده يا ريس ؟!.. فـ أنا بس كنت بسأل العيال دي محبوسة ليه خصوصا انهم مش اخوان ... ما انت عارف يا ريس دي عيال حلوة و دماغها شغالة و بتوع حقوق انسان و حريات و الإخوان تمامهم جلاليب . فـ يعني بعد اذن حضرتك ممكن تخرجهم و تسيب النور يقطع و المية تقطع و الأسعار تغلى و البنزين يغلى و انا اشطة هبقى موافق ...
المشكلة التانية بقى يا ريس تكمن في الليلة بتاعة السجاير اللي كل شوية تغلى ؛ و زي ما قلتلك انا معنديش مانع انها تغلى بس ياريت بعد اذنك تكلم المسئولين و تقولهم يشيلوا الصورة الخرا اللي بتبقى ع العلبة علشان احنا بني آدمين بردو يا ريس و لنا طاقة و حالتنا النفسية زي ما انت فاهم و بالعربي كده مش هيبقى موت وخراب ديار ...
في الختام يا ريس انا قررت أشتكيلك انت .. ليه بقى ؟! علشان مؤيديك بيقولوا ان كلمتك مسموعة و كل مؤسسات البلد ماشية وراك و كده ؛ فياريت تقولهم يعملوا الصح بقى يا ريس علشان احنا جبنا جاااز
و شكرا ؛
تحية طيبة و بعد ؛
بغض النظر ان تحية ماتت في الثورة ؛ و بغض النظر ان ليا عتاب صغير على حضرتك قررت أرسلك التحية قبل ما اقولك أنا عاوز ايه ؛ من منطلق انك رئيس الدولة اللي انا بعيش فيها و من باب حتى انك أكبر مني سناً و ده يستدعي طبعا اني أرسلك التحية ... و أرجو انك تسامحني عن الألشة الأولانية دي ؛ مواطن و بيهزر بقى و كده .... أما بعد ؛
مش هطوّل على حضرتك نظراً لأن الكهربا كده كده هتقطع و مش هلحق أقولك كل اللي أنا عاوز أقوله ... المهم بقى ان دلوقتي الكهربا بتقطع و المية بتقطع والأسعار غليت و البنزين و السولار غلي و بالتالي المواصلات غليت و السجاير غليت ؛ و مش بس كده يا ريس ده الناس سايبة كل ده و بيدوروا على أساميهم على أزايز كوكاكولا ؛ بس كل ده مش مهم اطلاقاً .. انا كشاب مصري متحمل المسئولية و عارف انه من واجبي إني أقف جنب بلدي و هي بتقوم (هنعتبرها بتقوم) ؛ ده غير إني عايش وسط المصريين بقالي كتير و مبقتش أندهش خالص منهم الصراحة .
باختصار يا ريس كل حاجة في البلد غليت و أولهم السجاير ؛ ده غير إني عندي مشكلة مخلياني في غاية البؤس ؛ المشكلة هي ان التايم لاين على تويتر فضي خالص و كده و كل الناس اللي انا عاملهم فولو محبوسين (علاء و سناء و دومة و ماهر و ماهينور و غيرهم ) ؛ محبوسين بحجة خرق قانون التظاهر ؛ التظاهر اللي هو كان السبب اصلا في وصول حضرتك للحكم - ده بخلاف الناس اللي ماتوا اصلا ؛ و خلاص التايم لاين بقى خاوي على عروشه و مبقاش فاضل غير تامر موافي و سارة السباعي و الباقي كله في الجلاش ؛ يرضيك كده يا ريس ؟!.. فـ أنا بس كنت بسأل العيال دي محبوسة ليه خصوصا انهم مش اخوان ... ما انت عارف يا ريس دي عيال حلوة و دماغها شغالة و بتوع حقوق انسان و حريات و الإخوان تمامهم جلاليب . فـ يعني بعد اذن حضرتك ممكن تخرجهم و تسيب النور يقطع و المية تقطع و الأسعار تغلى و البنزين يغلى و انا اشطة هبقى موافق ...
المشكلة التانية بقى يا ريس تكمن في الليلة بتاعة السجاير اللي كل شوية تغلى ؛ و زي ما قلتلك انا معنديش مانع انها تغلى بس ياريت بعد اذنك تكلم المسئولين و تقولهم يشيلوا الصورة الخرا اللي بتبقى ع العلبة علشان احنا بني آدمين بردو يا ريس و لنا طاقة و حالتنا النفسية زي ما انت فاهم و بالعربي كده مش هيبقى موت وخراب ديار ...
في الختام يا ريس انا قررت أشتكيلك انت .. ليه بقى ؟! علشان مؤيديك بيقولوا ان كلمتك مسموعة و كل مؤسسات البلد ماشية وراك و كده ؛ فياريت تقولهم يعملوا الصح بقى يا ريس علشان احنا جبنا جاااز
و شكرا ؛
